Teresa Moure: Unha primavera para Aldara
Col. Fóra de Xogo, 122. Eds. Xerais. Vigo, 2009
Premio de Teatro Rafael Dieste 2007
Premio Asociación de Escritores en Lingua Galega (Teatro) 2008
Premio María Casares ao Mellor Texto Orixinal 2009

Peza teatral que se desenvolve no interior dun mosteiro, na Galicia do século XV. No exterior estoupa a Revolta Irmandiña contra os abusos dos nobres feudais. Ao convento chega Don Nuno, un cabaleiro irmandiño ferido gravemente na batalla. As regras non permiten presencia masculina no mosteiro, porén Aldara, a abadesa, decide poñer por diante a misericordia e acoller ao forasteiro. Unha decisión coma esta no convento serviu como detonante dun enfrontamento de posturas entre as monxas que culminará nunha traizón. E nunha sorpresa: cando devén historia de amor entre a abadesa e un soldado que resulta ser unha muller, convertendo o espazo intramuros nun ámbito de liberdade e o texto unha reivindicación da muller como individuo independente capaz do amor máis romántico, simbolizado a través da primavera.