Un comunicador, gran estrela da televisión, consegue, por medio dun complexo proceso informático, reduplica-la súa imaxe para poder aparecer en varios programas ó mesmo tempo. A súa imaxe dobre vai apoderándose pouco a pouco de todo e acaba intentando destruílo a el e a toda a súa familia.
Para fuxir deste perigo, o presentador múdase a vivir a unha casa completamente illada do mundo exterior. Morto este, os seus dous fillos, especialmente Clara, loitarán por ter unha existencia de seu, sen depender da imaxe.
O remate chega coa eliminación da maléfica imaxe, o cal posibilita novamente a esperanza dun mundo mellor.