Con esta obra preténdese dar a coñecer dun xeito novelado e ameno algúns datos biográficos non moi coñecidos de Rosalía de Castro. A historia está contada e protagonizada por Amaro Mendiño, un enxeñeiro que é capaz de viaxar no espacio e no tempo acompañado polo seu ordenador Chiño. Neste caso, atendendo a invitación da Biblioteca Nova 33, ten que desprazarse ata a Compostela do XIX para coñecer máis de preto a vida da escritora padronesa, dende o nacemento ata a morte. Ten que cumprir tres condicións: "non insmiscirse na vida da xente da época", "non revelar calquera dato sobre o futuro" e "regresar sen deixar rastro ningún no pasado".
Inclúe fragmentos de obras rosalianas e diferencia os feitos históricos dos novelados por medio de grafías distintas.
(Texto publicado anteriormente no volume colectivo Contos da viaxe)