Novela de aventuras que combina dúas accións parellas: os feitos pasados acontecidos nas beiras do río Miño e a historia actual dese mesmo lugar.
Chiño, un rapaz que se aburre no colexio, coñecerá a través da voz do misterioso Adoa as aventuras dos primitivos habitantes de Galicia nas súas loitas contra os invasores celtas, o xeito de vida nas aldeas para garantir a supervivencia e a organización no traballo. Dese xeito o relato histórico convértese, aos ollos do rapaz, nunha sucesión de aventuras. Co paso dos días, Chiño descobre moitas cousas de si mesmo, coñece a dimensión humana e aventureira dos feitos que veñen nos libros, afonda na súa relación co seu tío-avó Ramón e aprende a amar a paisaxe que rodea ao río Miño.