Miguel Anxo Fernán-Vello, en calidade de membro do xurado e mantedor nesta edición do concurso, reflexiona no Limiar sobre a porta de futuro que se abre coas tan interesantes como sorprendentes aportacións dos xoves concursantes nesta edición. Pon de manifesto, ademais, a xeito de proposta máis que de consello, a importancia da lectura como vía de pracer e coñecemento fronte á banalización da sociedade e a súa condición de ferramenta inprescindible na formación do escritor.
Figuran a continuación os traballos galardoados nestes XXX Premios Literarios "Minerva" 2002. Os poemas premiados son de David Souto Alcalde, Noel Blanco Mourelle, Emilio José González Pérez, Anabel Varela Formoso e Pablo Fidalgo Lareo. Os autores dos textos narrativos son Bianca Cid Bouzas, Lidia López Teijeiro, Fátima Peón Torres, Inma García Fernández, Sabela Recalde Penabad e mais Eva Mila Meleiro. Todos eles, xoves que cursan estudios de ensino medio en diferentes centros de Galicia.