Reúne as narracións premiadas no VIII Premio Ourense de Contos para a Mocidade 1991 convocado pola Casa da Xuventude da Delegación Provincial de Cultura e Xuventude de Ourense.
Os contos premiados nesta edición do certame xuvenil foron: "No autorretrato de Iris Ciplijauskaite había pó", de Xosé Lois G. Sende, "Condenados sen culpa", de Carmen Rodríguez Fernández, "Os morcegos", de Mª dos Ánxeles Alfaya Fernández, "Unha nena do pobo", de Guiomar Escolante Casasnovas, e "Arlequín", da autoría de Ángel Cabaleiro Janeiro.