|
Historia de misterio e amor na que Amalia se
traslada á Habana fascinada pola personalidade e obra de Ernesto, un
excéntrico e enigmático pintor cubano.
A primeira parte
transcorre en Galicia, onde un día, mentres bucea no interior dun
montón de caixas, descobre e profana a correspondencia de Ernesto.
Comeza así a interesarse pola súa vida e obra. Atopa nesa
correspondencia cartas de Lola, a nai de Ernesto; do seu irmán Nilo; dun
home interesado por coñecer e mercar a súa obra e dunha tal
Silvia, da que o pintor estivera namorado hai anos. Na segunda, relátase
a estancia do pintor na casa da familia de Amalia e a posterior viaxe da rapaza
e do seu irmán Vicente á Habana, coa fin de acompañar o
pintor, amigo dende hai un tempo da familia dos dous protagonistas. Unha vez
que chegan á illa, descobren a verdadeira identidade de Ernesto, que
tivo que fuxir acusado de ser un disidente perigoso. Despois dunha serie de
intrigas que culminan coa misteriosa desparición de Ernesto, un amigo do
pintor comunícalles aos dous rapaces que está morto e que
teñen que regresar canto antes a Galicia. Na terceira parte, Amalia e
Vicente de volta na casa, ao ler a prensa Amalia descobren que Ernesto
está vivo e que conseguiu acadar o éxito desexado.
|
