Reúne as narracións premiadas no XIII Premio Ourense de Contos para a Mocidade 1996, convocado pola Casa da Xuventude e a Agrupación de Libreiros de Ourense.
Ana Cristina López conseguiu co relato "Mala espiña" o Premio Ourense nesta edición. É unha historia escrita en clave íntima que utiliza a forma de carta para se dirixir a un destinatario afastado e descoñecido para o lector.
Os accésits corresponderon a "Hermefea do Carnoto", de Dolores Fernández López; "Madrugada de Orballo", de Pablo Vázquez Pereira; "Recordos na Sombra", de Cristina Torreiro Sebastián e "A Ádega" de Iria Calviño García. No primeiro deles continúase gracias á memoria de Hermefea, a historia de Antón Leivas, un dos personaxes de Os outros feirantes. "Madrugada de Orballo" preséntanos os pensamentos duns personaxes tristes que comparten unha pensión e permanecen illados nos seus cuartos. En "Recordos na Sombra" Alicia pasa o verán na aldea coa súa avoa e unha vez alí vai coñecer mellor a súa historia de amor sucedida no pasado. "A Ádega" céntrase no problema que se presenta na vida de Ádega cando queda embarazada e decide abortar.