Cóntase un anaco da vida de Miguel, un mozo de quince anos, que ten que pasa-lo verán na casa dos seus avós, na aldea de Grandal, por culpa dos seus suspensos. Alí producirase un cambio total da personalidade do rapaz. Así, a súa actitude negativa cara a todo, transfórmase por medio dos seus avós, do misterio que rodea ó antigo habitante da casa, o pegureiro Leonel, e do amor por Ana, rapaza coa que Miguel pasa todo o verán na busca dos relatos que Leonel deixou ocultos e de datos sobre a súa personalidade. Rematará a historia descubrindo Miguel que non hai tanta distancia entre el e os seus avós, e comprendendo que a vida rural cos seus costumes é máis interesante que a cidade de Ferrol e os seus amigos de sempre.