O tráfico e consumo de drogas en Areal do Conde, suposta vila das Rías Baixas, centran a acción desta novela, que se desenvolve en torno a tres protagonistas: Xavier, alumno de instituto enfermo de hepatite; Manolo Longueira, profesor de inglés que resulta ser un policía e Rosa, telefonista que recaba información para unha reportaxe na revista "Pulso Semanal", na que lle gustaría traballar.
A aparición do cadáver dunha nena de dez anos, víctima dun axuste de contas pola morte dun capo do contrabando, e o secuestro de Cachi, un camelo do instituto, por un problema de pagos, mobilizan a policía. Aparecen pintadas no instituto, o pai de Xavier recibe ameazas telefónicas por unha colaboración xornalística denunciando a situación, a xove Ana sofre unha malleirata... Pero a policía consegue gravacións incriminatorias de reunións entre as forzas vivas locais e os Geos obteñen as probas definitivas para deter aos xefes da rede mafiosa.
Ademais, Manolo e Rosa van rematar en voda a súa relación. E ela disponse a escribir un libro, para o que está recollendo información: esta información.