Reúne as narracións premiadas no XII Premio Ourense de Contos para a Mocidade 1995 convocado pola Casa da Xuventude e a Agrupación de Libreiros de Ourense. Ao final inclúe unha ficha na que se detalla a composición e fallo do xurado, así como a relación dos 51 participantes, que presentaron un total de 68 contos.
O conto gañador do premio "Ourense" nesta edición foi "Historia da Pusilanimidade", de Antón Riveiro Coello. Publícanse, tamén, os catro accésits: "Alguén matou a Bambi", de Estevo Creus Andrade, "O Trazo Rebelde", de Rafa Villar, "Mans de Violinista", de Rocío Moreiras Plaza, e mais "Un Vieiro Deica a Morte", de Pablo Vázquez Pereira (como a autora precedente, menor de 17 anos).