Luz Pozo Garza, que actuou como Presidenta do xurado e mantedora nesta edición do concurso, reflexiona no limiar sobre a paixón de escribir desde a experiencia persoal e algúns exemplos da historia literaria da cultura occidental. Logo, caracteriza brevemente cada un dos traballos galardoados nos Premios do XXIII Certame literario "Minerva", que compoñen esta edición.
Recóllense os poemas premiados de Luis López Alonso, Xosé A. Alonso Carballeira, Iria Belenguer Castromán, Ánxela Folgueira Fariña, Paula Lanza García e Rodrigo Costas Freijeiro. Os autores dos textos narrativos son Esther García Gómez, Héctor Iglesias Corrales, Iria González Panizo, Raquel Pensado Turnes, Manuel López Barreiro, Manuel Sicart Vila, Rocío Leira Castro e Manuel Núñez Armas. Todos eles, xoves que cursan estudios de ensino medio en diferentes centros de Galicia.