Cun limiar de Luis Alonso Girgado, na súa condición de presidente do xurado, que introduce os textos cunha breve reflexión crítica sobre cada un deles, o libro reúne os traballos galardoados nos Premios do XXI Certame literario "Minerva". Actuou como mantedor nesta edición do concurso o poeta Uxío Novoneyra.
Recóllense os poemas premiados de Óscar García Maceiras, María Olga Novo Presa, Carlos Ignacio Penela Martín, Elena de Pedro Gil e Antonio Millán Torrado. Os autores dos textos narrativos son X. Manuel Dopazo Mella, Carlos Filloy Ballesteros, Iván Reimóndez Meilán, Alejandra López Prieto e David Creus Andrade. Todos eles, xoves que cursan estudios de ensino medio en diferentes centros de Galicia.
Destaca tamén a maquetación e a concepción visual, obra de alumnos de deseño do propio centro editor.