Libro que reúne os traballos galardoados nos Premios do XXXV Certame literario "Minerva". Recóllense os conxuntos de poemas de Alexandre Limeres Otero, Alba Cid Fernández, Celia Parra Díaz, Lidia Montes Camiño, Rosa C. Piñeiro Fariña e Andrea Porto Mato, gañadores do primeiro, segundo e terceiro premios, e mais dos tres accésits. Os autores dos textos narrativos son Arnoia Bouzas Pérez, Noelia Salgueiro López, Bruno B. Salgado Berzal, Guillermo J. Rodicio Cimadevila, Marta González Pombo e Iria Ameixeiras Cundíns que se fixeron acredores dos tres primeiros premios e mais dos tres accésits, respectivamente. Todos eles, xoves que cursan estudios de ensino medio en diferentes centros de Galicia.
A edición complétase cunha reportaxe fotográfica do acto de entrega dos premios e as intervencións dos diversos participantes.