Cun limiar de Agustín Fernández Paz, que actuou como mantedor nesta edición do concurso, no que reflexiona sobre Unhas poucas certezas do escritor e o acto da escritura, o libro reúne os traballos galardoados nos Premios do XXXVI Certame literario "Minerva". Recóllense os conxuntos de poemas de Diana Iglesias Mato, Rosa C. Piñeiro Fariña, Celia Parra Díaz, Pablo Lourido Fernández, Jaime Pereira Maroto e Mónica Prieto Giráldez, gañadores do primeiro, segundo e terceiro premios, e mais dos tres accésits. Os autores dos textos narrativos son Daniel Martínez Mariño, Lorena Iglesias González, Lorena Riveiro Rodríguez e Lucía López de Abajo López, que se fixeron acredores dos tres primeiros premios e un accésit, respectivamente. Todos eles, xoves que cursan estudios de ensino medio en diferentes centros de Galicia.
A edición complétase cunha reportaxe fotográfica dos diversos participantes.