Catro rapaces e unha rapaza que cursan estudos da ESO constitúen un equipo de traballo sobre os naufraxios na Costa da Morte, o Club do Corvo Mariño. Coa colaboración de dous adultos (un deles é o narrador da historia), comezan a investigar os movementos sospeitosos de tres franceses, supostos membros dun organismo francés que colaborara na limpeza do fuel do Prestige. Confirman que seguen pola zona coa intención de espoliar un galeón naufragado hai séculos. E mesmo descobren as súas relacións cunha organización de piratas internacionais.
Aínda que as autoridades xa eran coñecedoras do caso e confirmaron o éxito das súas pescuda, evitando así un novo espolio do patrimonio, neste caso mariño.