Días antes da eclipse total de sol, buscando un itinerario alternativo para fuxir dun atasco, a familia de Joseph, o protagonista desta novela, chega a un lugar estraño, a vila de Nova Israel, que xorde no medio do deserto. Unha paisaxe insólita, un ambiente abafante, uns personaxes inquietantes, uns acontecementos misteriosos. Atrapado neste lugar, fóra do tempo, Joseph atopa a Justin e descobren que levan días soñando un mesmo pesadelo. Un ser que habita neste soño guiará os seus pasos cara á salvación dun pobo atrapado polas forzas do mal, entre a vida e a morte. Mais deberán enfrontarse tamén a si mesmos e resolver, de forma radical e dolorosa, os seus propios conflictos.
Unha narración fantástica, inquietante, punteada polas letras desacougantes de Radio Futura, condúcenos, a través do labirinto polo que tratan de escapar os seus protagonistas, cara a un final aberto á esperanza, mais deixa en nós unha sombra de dúbida.