Biff, Bang, Pow! é unha "novela case negra", un xogo detectivesco en clave de humor, onde o lector se converte en partícipe da trama, subliñada polo autor por continuos efectos gráficos.
O seu protagonista, o galego Antón Peruleiro, abandona a aldea galega en busca do soño londinense. Pero a realidade lévao a un Londres moi diferente do esperado. A necesidade obriga ao protagonista a se converter en detective privado e a fatalidade fai que o seu primeiro caso, o roubo dunha cinta de cine pornográfico, esconda tras si un caso de espionaxe internacional.
Ao longo da obra xógase cos tamaños e as formas das grafías.