Reúne as narracións premiadas no IX Premio Ourense de Contos para a Mocidade 1991 convocado pola Casa da Xuventude da Delegación Provincial de Cultura e Xuventude de Ourense. No Limiar, do Director da Casa da Xuventude, Benito Losada, relaciónanse os membros do xurado e preséntase esta nova edición dos textos do certame xuvenil, ao que concorreron 45 orixinais.
O conto gañador do premio "Ourense" nesta edición foi "Auga varrida", de Ángeles Alfaya Bernárdez. Publícanse, ademais, os catro accésits: "As portas do Máis Alá", de Carolina Ubeira Iglesias, "Ohsara", de Xema Zeltia Varela Rodríguez, (ámbolos dous autores menores de 17 anos), así como "Fuxidos", de Xesús Marcos López, e "Lais de Belundez", da autoría de Rafa Villar.