 |
Novela innovadora pola combinación de
técnicas narrativas e pola temática controvertida.
Unha
rapaza (Anxos) e tres rapaces (Nando, Dani e Xurxo) morren a madrugada dun
sábado nun accidente de automóbil atribuído ó
exceso de alcohol. Moncho non quere acepta-las causas oficiais e ponse a
investigar na procura de pegadas da inocencia da súa irmá: nese
camiño de pesquisas atopará o que sen saber busca, a aprendizaxe
para vivi-la morte, para entendela e aceptala.
A maior parte da
narración está feita en segunda persoa, alguén do que non
sabemos a identidade ata chegar ó capítulo "Quen son eu", vaise
dirixindo a Moncho e facendo avanza-lo relato. Pero tamén aparece a
primeira persoa a través do diario da propia Anxos e na
descrición dos soños de Moncho.
A obra está
atravesada polos temas de sempre e agora, de adultos e de mozos, a
través das reflexións que uns e outros personaxes van compartindo
sobre a morte, a relixiosidade, a inxustiza, o descubrimento dun mesmo, o amor,
o sexo, a rebeldía interior, o nacionalismo, a sida ou a
inxustiza. |
