Víctor Fernández Freixanes, en calidade de membro do xurado e mantedor nesta edición do concurso, reflexiona no limiar sobre o futuro do libro neste tempo de novas tecnoloxías da comunicación, subliñando a relevancia da existencia de discursos novos e de futuro en lingua galega.
Figuran a continuación os traballos galardoados nestes XXVIII Premios Literarios "Minerva". Os poemas premiados son de Tania García Ruibal, Lucía Aldao Sánchez, Carolina A. Castro Estévez, Eduardo González Solleiro, Ana Durán Losada e Paulo Vaamonde Espasandín. Os autores dos textos narrativos son Eduardo González Solleiro, Beatriz Lorenzo López, Samuel Solleiro González, Adrián Rodríguez Couceiro, Eduardo González Solleiro e Adrián Martín Prieto. Todos eles, xoves que cursan estudios de ensino medio en diferentes centros de Galicia.