Daniel Ameixeiro: Vila Cerdeira
Ilustracións de Xosé Cobas
Col. Punto de encontro. Everest Galicia. A Coruña, 2005

Vila Cerdeira ten catro casas e un pozo na praza que non dá auga. Só quedan vellos, porque os mozos marchan e non volven... Os seus habitantes viven con tranquilidade o día a día, coas súas lendas e cantares, cos soños aínda pendentes. Cada un ten o seu mundo, os seus soños, de amor ou de futuro, nos que mesmo se poden quedar ata que se resolva. Se hai quen inventa aparellos de fantasía, tamén hai un mouro que llos cambia polo plano dun tesouro. Ata o alcalde ten moitas ideas, por máis que logo non as leve á práctica.
Todos eles conforman unha novela polifónica en prosa breve e con forte carga metafórica.