María Reimóndez: Usha
Ilustracións de Iván Sende
Col. Merlín, 164. Edicións Xerais. Vigo, 2006

Uxía, Usha para os amigos, escribe o relato da súa estancia en Devastana, unha vila no estado de Karnata, na India. A súa nai, membro dunha ONG, decidiuse por fin a levala con ela desde a Galicia natal. Relata a rapaza as circunstancias do vivir nun país tan diferente, desde a escola aos amigos. Aprendeu canarés, coñeceu novos costumes e lendas. E, sobre todo, entrou en comunicación con outra visión da vida, até entón descoñecida e sempre sorprendente para os lectores alleos a esa cultura.