No libro nárrase a viaxe que fai un neno, Leliño, polas terras de Bergantiños, na busca de seu pai, un portugués que andaba polo mundo de feira en feira vendendo mercadorías.
A través das diferentes peripecias da viaxe, van aparecendo personaxes dun antigo mundo rural: o zoqueiro, o capador, o zarralleiro... É o mundo das festas populares, das tradicións e das vellas crenzas. Aparecen tamén personaxes do trasmundo cultural galego: as meigas, o lobishome e a Santa Compaña.