Conxunto de tres relatos co elemento común do misterio, dun suceso inquietante e inexplicable que mudou nun momento dado a vida dos narradores protagonistas.
Os textos, A serpe de pedra, A vella foto das estrelas e As sombras do faro figuran en senllos libros colectivos: Contos do museo, Imos xuntos camiñar e Historias para calquera lugar, respectivamente. En todos eles rexístranse mínimas revisións estilisticas e algúns pequenos cambios no desenvolvemento narrativo da historia. Ademais, o último dos contos incorpora tamén un capítulo inicial, novo, no que o narrador protagonista reflexiona sobre a súa irresistible ansia de volver a Pontebranca pasados trinta anos, unha vez que morreu o seu pai e atopou vellas fotos que lle trouxeron á memoria a inquietude do vivido durante aquel curso tan especial.
Esta edición permite unha nova lectura dos textos, afastados no tempo pero cunha unidade básica que transmite a súa sorprendente cohesión temática e estilística.