Trátase dunha historia ambientada nos anos da posguerra española nunha vila castelá á que acoden cada ano os galegos a face-la seitura.
A narración preséntase estructurada en dúas partes diferenciadas tipograficamente. Nunha delas relátanse en primeira persoa as experiencias dun neno dende que chega á casa de Aranda ata que decide fuxir de alí tras coñece-la morte de Manuel o maioral. Na outra, en letra cursiva e inserida na anterior, un narrador en terceira persoa presenta os feitos posteriores á fuxida do protagonista e a súa experiencia cos mineiros de Asturias.
É un relato enchido de tristura que desenvolve a aprendizaxe dun neno nun mundo pechado e difícil.

A nosa literatura infantil e xuvenil 1997
Gálix (Asociación Galega do Libro Infantil e Xuvenil).
Coordinación: Mª Isabel Soto López.
Xunta de Galicia - Consellería de Cultura - Dirección Xeral de Cultura. Guías culturais, 17. 1998