An Alfaya parte da maxia do Sireno, unha escultura de Francisco Leiro situada no centro de Vigo, para crear un mundo de fantasía.
¡Sireno, Sireno! é o relato, en primeira persoa, dun neno que acaba de sufri-la perda do pai e non pode comunicarse coa nai porque ela non é quen de saír do seu illamento.
O neno só pinta en branco e negro porque vive nun mundo gris; nesa situación, a ensoñación do Sireno será quen o ate á vida a través da imaxinación.
Tal e como di a autora na presentación desta obra gañadora do Premio Merlín 1997: "é unha historia escrita co corazón, e non coa cabeza, por iso debes lela co corazón, e non coa cabeza, para que así a sintas, e non a padezas".

A nosa literatura infantil e xuvenil 1997
Gálix (Asociación Galega do Libro Infantil e Xuvenil).
Coordinación: Mª Isabel Soto López.
Xunta de Galicia - Consellería de Cultura - Dirección Xeral de Cultura. Guías culturais, 17. 1998