Coa intención de recuperar un personaxe popular das terras do Alto Ulla, a autora escribe a historia dun rapaz chamado orixinalmente Pepito, ao que os veciños comezan a alcumar Piepito como seica era costume facer en dita zona cos nenos pequenos.
Fillo dos señores do pazo de Viñas, Piepito vive desde o seu nacemento rodeado das comodidades propias dos fidalgos rurais e coa prohibición expresa por parte da súa familia de se relacionar coa xente da aldea "para que non collese o gusto deles".