Escolma para o lectorado infantil da obra da autora clásica da literatura galega, que se abre coa introducción "Rosalía de Castro: Vida e poesía" a cargo da editora Victoria Álvarez, ilustrada con material fotográfico. Incorpóranse así mesmo unha Bibliografía e unha Cronoloxía da autora.
Inclúense a seguir nove poemas de "Cantares Gallegos", dezanove de "Follas Novas" e dezoito de "En las orillas del Sar", todos no seu idioma orixinal. Pechan o libro as prosas "Las literatas. Carta a Eduarda" e mais "El cadiceño".
O afán divulgativo do libro complétase con ilustracións que pretenden facilitar un primeiro achegamento á obra rosaliana dos lectores novos.