Peza teatral escrita en 1939 e publicada no volume "Farsas para títeres" en 1973.
Esta "farsa para títeres especiosos" transcorre no Reino de Trapalandia, onde o xigantón Micomicón, enfrontado á posibilidade de ter que casar coa princesa dun reino veciño, chora, namorado de Adhelala, princesa turca que ten a súa mai en catividade. As bágoas de amor provocan que encolla converténdose nun home de aspecto físico normal. A posibilidade dun neto próximo fai que a Raíña Nai o celebre con eles dous.
A presente edición é unha adaptación con modificacións léxico-ortográficas, na onomástica e no propio texto dramático, que representou o grupo Sarabela Teatro. Incorpora ademais unha unidade didáctica con diversas actividades de análise e aplicación.