A autora presenta, en forma de diario e en primeira persoa, sete meses da vida dunha adolescente compostelá chamada Sabela Méndez Outeiro. Día a día, Sabela vai reflectindo nas páxinas do seu diario os problemas, preocupacións, afeccións e alegrías comúns a calquera rapaza da súa idade. Vai a un instituto, ten unha amiga íntima, namórase, séntese incomprendida, descobre a súa sexualidade, ten problemas de sobrepeso, etc.
En definitiva, faise un percorrido polos problemas de calquera adolescente dos anos noventa, os mesmos que Sabela ten que afrontar e que, finalmente, superará, saíndo do paso con máis seguridade e confianza en si mesma, coñecéndose un pouco mellor.