Ó longo de trece capítulos, Paula, unha nena de once anos que é a protagonista deste libro, ofrécenos unha visión detallada da súa familia, os Caeiros, e dela mesma. Tamén temos ocasión de coñecer a ilusión que Paula sente pola nova casa que os seus están a construír en Bértoa, preto de Carballo, feito que serve de escusa para que a nena faga continuos percorridos pola crónica familiar.
A intelixencia, o humor, a tenrura e mesmo a rebeldía están presentes na personalidade desta rapaza que se declara abertamente contraria ós comportamentos machistas.