Reúne os traballos premiados na edición de 1992 deste concurso literario no que participaron estudiantes de Ensino Medio de diferentes centros de Galicia.
O libro incorpora unha presentación da directora do I.B. Franciso Aguiar, Lourdes Blanco, e un "A modo de limiar" de Xesús Alonso Montero, na súa condición de membro do xurado. Reprodúcense logo os textos galardoados, comezando polos que obtiveron o primeiro premio: "Epopeia do amor", de Agustín Hermida Castro, na modalidade de poesía e o relato "Baixo cero" de Miguel Roma Ruibal. O conxunto de nove poemas de Miguel Roma Ruibal, "Estadía da xerfa", e a narración "O papaventos", de Marco Antonio Hermida Enríquez, fixéronse merecentes do segundo premio.
Inclúense asemade os accésits, un de poesía para "Catro poemas sobre a opacidade do home e o seu sentimento e un Poema de Amor", de Gonzalo Rodríguez Rey, e dous en narrativa: "Amor libre nun país ceibe", da autoría de Eladio Ferreiro Díaz, e mais "O Derradeiro Sacramento", de Mª Tareixa Castro Enríquez.