O volume recolle os traballos premiados deste xa consolidado concurso para mozas e mozos de Ensino Medio.
En poesía destaca a presencia de escritores da Costa da Morte. Xandra Tedín a gañadora con "Vangarda sentimental" e Xosé Manuel Lema con "Escuro alfabeto do silencio", que acadou o segundo galardón. O accésit foi para o vimiancés Abel Mendes Bujeiro con "Fragmentos", xunto con Senén Lozano López con "Cerdeira Foise".
En relato curto recóllense cinco traballos premiados. Con "Manexos dun manuscrito", que narra a historia dun manuscrito que asasinou a un frade copista e a unha paleógrafa, Inma López Silva acadou o primeiro premio. O segundo foi para Xoán Antonio Naveira Seaoane con "O home pequeno". "Razón hoxe" de Breixo Viejo Viñas e "Canción do neno morto" de Sonia Alonso Iglesias mereceron o accésit. Recibiu un accésit especial o relato "O derradeiro adeus" de Silvia García Vicente, que narra os recordos dunha adolescente durante o falecemento do seu querido avó.