Pepe vivía nunha aldea chamada Ferreiráns, onde hai unha poza para bañarse. O que pasa é que dentro da poza había un dragón que non deixaba bañar os nenos se antes non lle daban froita. Un día Pepe botoulle unha pedra e o dragón mancouse e berrou, e todos fuxiron de alí menos Pepe. Despois, Pepe tropezou e caeu ao río morto de medo.
Puido pedir socorro e un home que pasaba por alí tiroulle un adival.
Pero para saber o que pasou entre o dragón e mais Pepe, ou para saber se Pepe afoga ou non, tedes que ler este divertido libro feito por rapaces da vosa idade.