No día do seu aniversario a protagonista recibe un regalo diferente: unha bóla máxica. Tróuxolla a madriña con moito misterio e logo se han sentir os seus poderes.
Así, a bóla desencadea unha serie de feitos estraños e irrepetibles para o grupo de amigos, desde a visión dun atraco, cunhas consecuencias que eles terán que parar, ata salvar a un neno que caeu ao mar ou a comunicación cun irmán morto. Deste xeito, unha sinxela pedra de seixo acada unha nova e insospeitada dimensión.
Cunha prosa áxil e a voz narradora da primeira persoa xuvenil, María Canosa constrúe unha novela de misterio de lectura doada e atractiva.