Chisco, un rapaz de cidade, ten que ir pasar uns días á Casa do Páramo, onda un tío e unha curmá pouco maior ca el. A desolación do lugar provoca que o propio conductor do coche de liña lle regale uns padaos de escornabois como escudo contra unha posible adversidade.
Desde a súa chegada, a atmosfera atafegante e unha inscrición misteriosa onda un tobo do lobo provocan nel unha atracción que fai que se aventure a seguir o tío ata o coto, onde é testemuña da súa imprecación na linguaxe críptica do libro dos tesouros. Logo, precipítanse os acontecementos e corre serio perigo. A presencia das cabras do aire, a fereza dos cans e uns forasteiros avarentos, a camisa de serpe posta ao pescozo que o defende e un estraño cazador que logo mata con crueldade ao tío para quedar coas súas onzas de ouro, crean un ambiente terrorífico, do que el consegue escapar converténdose en cómplice inocente do terror do tesouro maldito.
De tal xeito que só anos despois, adulto xa, é quen de confesalo todo para os lectores.