Malakadula é un home de raza negra que chegou a Galicia hai moitos anos, e aquí quedou instalado nun pobo costeiro do norte. Alberte, o narrador da historia é un rapaz amigo de Malakadula que vai pasar uns días á casa do vello africano invitado por este. Nun clima de misterio, Malakadula advírtelle a Alberte que precisa da súa axuda para un traballo delicado. Os descubrimentos de Alberte e as explicacións de Malakadula poñen en evidencia que a vella casa do outeiro é visitada polas pantasmas dos náufragos, que buscan establecer contacto cos seus familiares da aldea. Os seus protagonistas procuran facer posibles estes encontros vencendo as desconfianzas da xente.