Nunha pequena vila galega viven os membros da panda dos Mornias, tres rapaces e dúas rapazas. Unha tarde, baten cun Aprendiz de Bruxo (fuxido das páxinas dun libro) que, para demostrárlle-las súas habelencias, converte a Caletre, un dos nenos, nun año branco. Os problemas comezan cando non sabe volvelo ó seu e, por riba, o año desaparece.
Os membros da panda vense mergullados nun conxunto de aventuras motivadas pola necesidade de atopa-lo año e de levalo a tempo á nova cita en que o Aprendiz, coa axuda do propio mago Merlín, acabará desfacendo o esconxuro e poñendo remedio a todo o conflicto.