Paio, estudiante de 3º da E.S.O., xoga no equipo local de cadetes baixo a ollada axexante do seu pai, obsesionado porque demostre que pode chegar a ser un gran xogador de futbol. Pensa que é un fenómeno e ségueo a todos os partidos, teimando en que busque o lucimento propio pasando dos compañeiros e mesmo do propio adestrador, que fomenta máis o xogo que a competitividade. Un golpe contra a portería provoca o debate no matrimonio sobre o porvir do fillo, que a mai quere deixar medrar sen as presións paternas.
Ademais, a relación con Ana, afeccionada á música, esperta en Paio novas sensacións: atopa unha compañeira de soños.