Nesta obra, que cede os beneficios editoriais á organización non gobernamental "Médicos sin Fronteras", cóntanos Yuca, en primeira persoa, a súa viaxe en tren ata a China. Esta adolescente galega está acompañada por Kaiying, un mozo que vive e estudia en Madrid e que quere visita-lo seu avó Feng no Extremo Oriente, ó longo do traxecto. Pouco a pouco os dous protagonistas vanse coñecendo e chegan a namorarse. Ademais de diversas aventuras, os catorce capítulos de A longa viaxe inclúen datos históricos e etnográficos dos diversos pobos polos que pasan: eslavos, rusos, mongois e chineses.