Cóntase a historia do doutor Nogueira, quen, debido ás persecucións de que é obxecto por parte doutros científicos, oculta a súa identidade baixo o nome de Alfredo da Silva. O doutor agóchase nunha casa para continua-las investigacións coa axuda inestimable de Rosa e coa intención de facilitarlle a vida á xente.
Deste xeito inventa un crecepelo para calvos, unha apócema que estimula a capacidade para expresarse en público, un medicamento co que pretende elimina-lo racismo convertendo ás persoas de cor en brancos e unhas agullas para elimina-los malos recordos. Rosa, que é consciente da brillantez do doutor, decide poñer por escrito tódolos seus inventos.
No último apartado, "Cando o autor fala de sí", reprodúcese unha conversa entre Rosa e o autor da obra, quen lle comunica que ten pensado escribir un libro titulado O laboratorio do doutor Nogueira. Rosa marcha convencida de que Fernández Paz é un dos que se dedica a conspirar contra o doutor.