O recordo de Venecia, as súas tradicións e historia, inspiran este libro de relatos breves que teñen como protagonistas os gatos.
Son historias bastante diferentes unhas das outras. Nalgunhas delas os protagonistas son gatos que manteñen a súa condición de animais e noutras, aínda conservando a súa aparencia "gatuna", actúan e compórtanse coma os humanos.
Nalgúns contos son eles os protagonistas centrais e noutros limítanse a acompañar ou observar ás persoas.
En todos eles créase unha atmosfera de fantasía que parece expresar que todo é posible na máxica cidade de Venecia.