Nesta fraga conviven dúas clases de árbores, as autóctonas e as foráneas. O piñeiro, o carballo, o castiñeiro discuten co refinado eucalipto australiano, reprobándolle as súas ansias sedentas. Este deféndese como pode, pero sábese fóra do seu chan. Coa chegada da sobreira desde terras portuguesas, temos un novo elemento en discordia e as protestas volven aparecer, pero o peor aínda está por vir: a presencia do ser humano no medio desta fraga, máis ou menos animada, vai supor a súa morte.
O home non sente o que as árbores din, só pode escoitar o ruído da serra coa que sega a vida destes marabillosos seres.