A historia transcorre na noite de San Xoán e está protagonizada por Froiaz, un rapaz que vén de se instalar en Pontevedra e que se atopa bastante só porque non coñece a ninguén.
Mentres está a escribir unha carta lamentando a súa situación e contando o seu desacougo, asómase á ventá e descobre a unha fermosa rapaza que se ofrece para amosar a vida mariñeira, monumental e cultural da cidade do Lérez e contarlle as historias que agochan os recantos de Pontevedra. Asía Froiaz emprende un máxico paseo temporal e espacial e neste percorrido van aparecendo personaxes ilustres como Valle-Inclán, o boticario don Perfecto e o seu papagaio Ravachol, Castelaou ou Alexandre Bóveda, xunto a outros anónimos. A misteriosa rapaza, que é unha serea dun dos escudos da vila que cobra vida a aparencia humana durante unhas horas, aproveita o percorrido para ir mergullándose nas fontes xa que de non facelo acabará convertida en pedra. Tras deste paseo Froiaz decídese a reescribir a carta, na que o contido e as súas impresións sobre a cidade cambian substancialmente.