Instaladas nun realismo cotián e recoñecible, estas historias relatan anacos da vida diaria dos seus protagonistas, a meirande parte deles mozos e mozas cheos de preguntas para as que non dan atopado resposta.
En estilo directo e sinxelo, unhas veces en primeira persoa e outras en terceira, o autor tenta dar respostas a estes interrogantes ou simplemente os formula en voz alta, de xeito que o lector sexa quen de recoñecer nalgunhas destas cuestións parte das súas inquedanzas.