Dez capítulos mais un epílogo conforman esta novela de intriga na que Marco, un adolescente, e a súa familia son perseguidos, ameazados e mesmo parte deles asasinados por unha voz de ultratumba pertencente ao seu defunto tío Brais. A historia comeza cando a famillia se organiza para marchar de viaxe a París. A situación agrávase cando regresan destas vacacións e a vida de Marco cambia totalmente. Os seus pais morren a mans de Brais e Marco debe coidar da súa irmá pequena e evitar que o asasino se apodere dela.
No transcurso dos acontecementos, Marco descobre, gracias a unha carta do seu pai escrita antes de morrer, os motivos polos que o seu tío matou os seus pais ao consideralos culpables da morte da súa filla, xenro e neta. Ao final, a pesar de todos os intentos do rapaz por coidar da súa irmá, non é quen de impedir que a rapaza sexa arrebatada dos seus brazos ao quedar durmido de esgotamento. No epílogo infórmase do amargo final do protagonista: recluído nun psiquiátrico á espera da súa morte agarrando unha boneca entre os brazos.