Obra nun só acto que se inicia cun limiar metateatral, no que os protagonistas da peza deciden xogar ao teatro coa finalidade de obter un premio se solucionan o problema que se lles propoña no escenario antes dunha hora. O paso do mundo real ao mundo ficticio faise por medio dunha escada situada entre o público e o escenario. Unha vez que os protagonistas están no mundo da ficción teatral danse conta de que se atopan nun circo no que acontecen cousas estrañas. Emilio, Loli e Quique deberán confabularse cos membros do circo para detectar o motivo de todas as irregularidades que están acontecendo.
Presenta o libro na súa parte final unha serie de pautas para realizar a montaxe da obra.