Cali ten doce anos e vive en Embívicus, vila veciña de Figueiras. Os seus habitantes son inimigos irreconciliables polo que os xoves desta, os "churris", mallan a Cali por se ver con Susana, irmá do xefe da banda deles. Entre vinganzas, esta rivalidade chega ao seu máximo de tensión no San Xoán, que celebran os de Embívicus na Praza Maior, onde un enorme burato-embigo centra a festa. A el baixa Cali coller do fondo unhas flores para a moza que non se convirtan en pica-pica. E desaparece. Só gracias a unha maga o descobren onda o río que separa as vilas.
Desde aquela os xoves fanse amigos e conviven no terreo común da "Fundación", chegando a sufrir cadea Cali e os seus pois o alcalde decide illar o concello cunha muralla. Ata que o embigo e o río engolen todas as casas, salvando só os mozos e a súa amizade.