Esta é a historia de dous amigos, Xan e Ni, dos que se podería dicir que son xente común. A súa vida transcorre sen sobresaltos ata que un día chega á cidade o Vitín, un policía novo, cheo de ilusións e ganas de facer cousas importantes, quen de seguida sospeita dos raros costumes dos nosos amigos e inicia unha meticulosa investigación para descubri-lo misterio que esconden estes dous personaxes. Pero non todo vai ser doado para o novo e inexperto policía, os seus compañeiros non están dispostos a que un novato consiga desencerella-lo misterio dun asunto importante e deixalos así en ridículo.